CD-Rom

http://www.fotop.net/fannycheuk

一日，有人要我幫佢影nude，嚇我一跳之餘亦都非常興奮同即刻籌備。幸好天公造美，當日天陰，岩晒！用左珍藏ISO 3200 黑白菲林，粗曝微粒，真係執相都慳返！

最近買左Joy Division隻精選碟，為既係Love will tear us apart，聽完又聽，始終都係Passover係自己杯茶，就當蓄多隻經典野啦。

唔知係咪耳仔退化，對好多外國新band既唱片都聽完就算，甚至覺得係創力方面有倒退，唯一令我興奮同煲得下既都係Calvin Harris隻碟(以pop野計)，終於我發覺，我仲係喜歡Disco同睇live show! 始終都係現場好!

因為冇得揀，所以可以專心咁去盡D。

買左機票去上海，仲會返鄉下見我七年冇見既婆婆，好想快D操返好D上海話。

記得十幾年前去，亞媽話我第一日仲拾下拾下，眼碌碌，第二日，知道人地講咩，第三日一口流利上海話，小朋友學習能力真係好，唔知十N年後，我又可唔可以做到三日速成上海話呢?

以前亞媽唔識講廣東話既時候，同學仔聽到我用怪雞語言講野都會係到笑，攪到我好尷尬，覺得自己好似有錯咁，誰不知十幾年後，竟然因為咁而令我係工作上有無限得著，有D野真係估都估唔到，正如依家港紙兌人仔係1:0.91，正如塞錢俾我既大部份都係D內地客。