無論如何…游完水就去做我最鍾意嘅按摩！懷孕頭三個月唔可以按真係好悲慘 ！仲成日頭暈！番唔到工又唔可以學馬術! 即係所有最愛嘅活動都冇得做 教練問我呢個騎馬痴去左邊度？同學都好奇點解唔見我騎馬! 番公司開會就頭暈到唔記得帶利是番去派！ 有一晚我暈到問hubby我係咪就嚟死嘞？知情人士叫我死都唔好同人講自己有左住! 最怕講大話既我，行為明明非常怪異，但又唔敢同其他人講事實嘅真相！ 加上懷孕前已經有報道話我有左，所以成日比人問係咪! 每次都要解釋…我十月公佈結婚如果之前已經有左咪就嚟生得？！blah blah blah...你唔煩我都覺得煩! 不過身體不適只係好短時間嘅事！ 隨之而來嘅係無窮無盡嘅幸福感! 去到邊都可以同 bébé g一齊! 第一次感覺到佢踢我簡直感動到難以用言語形容! 我以前都唔明，女人生仔有乜咁出奇咁amazing呀？個個都係咁生㗎啦! 成日大驚小怪！日日講自己有幾感動! 但原來當你試過先可以領悟到! 雖然只係懷孕左一段時間！但呢個旅程係我活到今日最AMAZING嘅經歷! 感恩！#如果真係有下一世我都想投胎做番女人