有關影片創作、公開感情、寵物及其他事宜：

關於之前同佢所製作嘅影片，有D主意係出自於佢，有D就係我嘅主意，亦都有D係大家共同創作，但由於佢剪片方面未必夠我熟練，能夠自己做到嘅，佢都會親手制作，只係遇到自己解決唔到嘅情況，我先會幫手去制作佢嘅影片，而呢種合作嘅關係，係經過大家嘅協議，並不存在利用嘅關係。

至於點解唔公開大家嘅關係，由第一日開始拍片嘅時候，大家都覺得感情，或者其他嘢冇必要公開講出嚟，約定俗成下，就一直都冇提及。並無刻意隱瞞之意。

寵物方面，我亦相信佢好愛錫佢地，有關寵物嘅安排，我地已經有左共識，大家無需擔心。

係感情事上，佢可能有做得唔好嘅地方，但人格方面，佢對人好好，對觀眾都係出自真心，鏡頭前見到嘅佢，亦都係現實嘅佢，呢點大家唔需要再質疑。

我地雙方之間，有關感情嘅事已經解決，各位唔需要再為呢件事去作出無謂嘅猜測，希望可以藉住呢篇文正式為呢件事劃上一個句號，俾大家一個新嘅開始。

感謝大家幫忙，萬分感謝。

最後，我再一次為自己所制做嘅麻煩同處理失當道歉。