呢幾日上開高登都知，有D幾千人Follow嗰D所謂「Ig女神」開價幾千蚊做援交，之後愈爆愈多所謂女神原來都有出賣肉體搵錢，表面風光，原來駛緊血汗錢，有哂證據又話俾人Hack左，唔講以為係咩國家級機密，去到要Hack你咁把砲，是但啦，除非你係想幫襯，D女神收幾錢，個價幾唔合理其實唔關我地事，我比較關心，點解作為女神會肯走落煙火之地去益班麻甩佬呢？

而家香港，有少少姿色嘅女去到網絡世界，已經萬九幾隻厹圍住佢地轉，得閒睇下D所謂Ig女神Post，個個都話自己做Model，以前就話興?模，而家都唔興啦！咁點解個個都話自己做Model？唔話自己係思想家？無他，當你冇份正職，正常應該冇收入，但又得閒日日Post自己去呢度個度，一日到黑擺Pose 影相，要將呢件事合理化，唯一方法就係話自己係Model，當然，講就講自己係Model，實質係做....算啦。不過唔該你地啦，唔好影衰Model呢行啦，好冇？

另外有一班女神，似住網絡世界發展一日千里，有幾十隻厹圍就當正自己網絡紅人，大佬唔好咁啦，呢D冇得死充咖，你開人幾千蚊上床，唔係當自己出Show嘛？

大部份人都享受俾人注視、俾人重視、甚至乎崇拜自己，但都要睇下自己咩料，為左俾人睇自己過得幾好，生活幾多姿多彩，將自己定位定到女神咁嘅級數，以為自己係鳳凰，最後自己係咩大家心照啦，真正嘅成功唔係睇你有幾努力去接客，係你有幾努力去做好一件事，努力之餘仲要睇你有冇機會同彩數，係你嘅就係你，夢想係美好，現實係殘酷，死充去做女神做到出賣自己，不如尊重自己做你應該要做嘅平凡人，何必強求？

而家我教你點分佢係咪真女神，真網絡紅人，真Model，首先，睇下佢自己或者伴侶有冇家底，第二睇下佢有冇Job做，我指嘅係出Event，影雜誌相，軟性廣告之類，唔係個D私影Job，第三如果以上都冇但你又見佢成日鬼咁風光，又周圍去玩，好似唔駛撈咁的話，咁就只有講個信字，你信佢就得，咁你信唔信？