話說，喺我拍「無人駕駛」之後、做Cookies之前，其實我係喺"叱吒903"接受過年幾嘅DJ Training嘅，當年Train我嘅其中一個導師就係阿Jan。? 人生當中無咩偶像，因為自細又唔鍾意睇電視、又唔鍾意睇戲，淨係鍾意聽收音機，咁多年嚟無論記者/雜誌問我有無偶像，我都只係得一個答案。 還記得Cookies當年第一次去港台做訪問，主持人問我哋各人嘅偶像，我當時都係答林海峰，記得當時主持人仲講笑問我係唔係嚟踩場?？！? 當年喺商台做Trainee，好似小粉絲戰戰兢兢咁企係佢後面睇佢做節目，我已經開始喺度諗，有冇機會有一日可以同阿Jan一齊做節目呢？！ 論資排輩，都知道呢個可能性好低。 做Cookies嘅時候當然有機會接觸到佢，但係接觸到同有機會合作又係兩回事。 到Cookies之後我入咗港台做DJ，就覺得呢個機會更加渺茫，因為跨台合作嘅機會實在少之有少，甚或乎係無可能。? 所以今日突如其來嘅機會，對我Personal嚟講，係一個歷史性時刻，冇諗過10幾20年之後，有機會喺自己嘅節目度訪問我嘅偶像 - 林海峰。? 都係果句，呢個世界上叻嘅人真係有好多，但係叻得嚟有感染力嘅，好難，而且好少！?? #MyOneAndOnlyIdol #JanLamb