見到師兄 @gregorywong 今日出post講呢位老師，我都想講一下呢位老師對我人生嘅重要啟發同影響。佢係教Art嘅Doris，以前學生時代就叫佢做Miss Yip。由中一入英華，我同佢就好有緣份，首先係Form 1時同佢一齊拍RTHK嘅<春風伴我行>，記得當時佢仲係長頭髮嘅。之後嘅幾年，我都好鍾意上Art，可能因為佢嘅溫柔同耐性，加上佢對曳學生特別照顧(我想講我中學時係曳到黐線以後有機會分享更多)，所以我中四嘅自選科就揀咗修Art。

自中四開始，除咗畫畫嘅技術之外，Doris亦鼓勵我玩drama同埋去咗兩個校外交流camp，令我對「曹震豪」大個想做啲乜有多咗好多想法，亦係嗰時開始訂立目標中五之後要去外國讀design。今次一見返Doris，急不及待攬咗佢一下，佢大叫「你隻最曳嘅臭豬」，仲問我點解個樣仲係一個細路咁，我送咗隻碟俾佢，佢仲話唱歌做表演啱晒我。

好開心我係一個英華仔，亦好感恩我遇上呢位我人生中最好嘅老師。

我是英華仔 #HomeOfOurYouth #傳承使命 #皕載自強