有小小長，但希望大家同我諗下呢個迷團，重有咩可能性。(無追post就唔好理)

其實樓上租客，自從一搬嚟就嘈。我地由今年一月開始，就投訴管理處n次，當然無用。之後計入昨天，已經報過4次警，當然也沒用。揾過周浩鼎辦事處，當值的議員助理試過了解問題，唔洗問，當然也無用。管理處潘小姐已經約過見2次會面，希望和解，但樓上只講佢家事有幾慘，叫我地同情佢地。

係，樓上係無賴，但無賴係無敵嘅。但4次嘅報警，尋日開始，有好大可疑。

首先介紹一下人物，除左我地，樓上，分別重有: 1.潘小姐A，6年資，屋苑管理員，處理我地同樓上嘅關係 2.潘小姐B，屋苑管理員，另一個處理嘅人 3.戴先生，5年資，屋苑管理員，聲稱有問題可以打俾佢協助報警 4.早上當值大廈看更 5.晚上當值大廈看更 6.落上業主

Case A) 當我地第二次報警，我地自己打999報案的。奇就奇在，樓上已經知道我地報左警，並係大堂等我地。

Case B) 尋日8點幾，樓上一個人鑽野，一個人重擊地下。最少推算有兩個12歲以上嘅人故意製造嘈音。然後我地透過戴先生報警。警察到場重有惡意嘈音。但潘小姐A到場了解後，完全一點聲音也沒有。

Case C) 尋晚2330，又故意重擊地下。我地自行打999報警。警察到大堂了解，並未上樓。樓上無賴已經手持水瓶，不是穿著睡衣，而是穿著正常街服，在大堂將警察截住，先入為主。

諗到呢三個case，我忽然假設一樣野。就係，佢地係樓上，準確地知道我地報警。其間，只有三種可能性: 1. 佢地有方法竊聽到我地報警。 2. 管理員告知，我地已經報左警。而且報串嘅人，有試過早上，有試過晚上。最少二人。 3. 佢故意搞事，然後就落大堂等我地。但無可能咁準確次次都截到警察去先入為主。

當尋晚樓上落口供，我聽到，佢話我媽有前科。[有前科]，可以有2種解讀: 1. 意指我媽5年前在銀行嘅爭執 2. 意指我地經常投訴及報警 如果係解讀1，就係潘小姐A及樓上業主透露俾樓上無賴聽。如果解讀2，就沒有疑點。

經過case ABC ，你地覺得邊個最大可疑係二五仔，去報知我地報左警嘅消息？定還是真係用竊聽嘅方法?

有咩想問可以問，我再詳細補充。我除左解決樓上嘈音之外，我要解決埋呢個25仔。最憎25仔。