[bbc福爾摩斯極速導賞文] [第4項係重點]

1) 原著嘅福爾摩斯，係好中意用獵犬同俾錢d街童去攞線索。同劇中大同小異。

2) Irene Adler 唔係一個創新嘅角色。早係 波希米亞醜聞 就出現過。原著係一名詐欺師。係原著，佢係唯一一個打敗過Sherlock嘅女人，同時都係Sherlock一生中唯一愛過嘅女人。甚至名偵探柯南 入面嘅 灰原哀，都係取名自Irene Adler。

3) James Moriarty 都唔係一個創新嘅角色。柯南道爾創造Sherlock Holmes 呢個角色係原自一個真實嘅倫敦警長。而Moriarty呢個角色，係原自嗰個警長捉過嘅一個罪犯。 Moriarty無論原著還是劇中嘅定位，都係Sherlock永遠嘅對手。

4) 好多人會罵套劇有bug，第二季尾明明跳樓死左，第三季又有得做，玩野咩。其實呢度有段故。

係1894年出版嘅短篇故事 福爾摩斯回憶錄 入面，其中最尾嘅 最後一案，Sherlock同Moriarty 對抗，最後兩個人死左係瀑布度。當時作者係一心一意想完結福爾摩斯系列。

但出版後，隨即引嚟當時大量讀者不滿，大量反對聲音係柯南道爾嘅住所外面。隨即不久後，柯南道爾再出版 空屋。

但始終無復活到福爾摩斯呢個角色，只係無啦啦就又有故事出，完完全全無解釋，點解明明係 最後一案 死左，又翻生。

所以劇集嘅導演，正正就係巧妙地，邊玩邊致敬，特登轟轟烈烈整死Sherlock，再如期出第三季。問你死未。

5) 第三季開始，就已經偏離原著設定。Mary的確原著係盲生個老婆，但唔係一個特工，更加唔會話俾人射死。 第三季同電影版已經吹到可以坐係度就探索宇宙，咁所以第四季都可以吹死Mary同吹到Sherlock有個sister，都唔出奇。(dllm戲透)

完。