何去何從

香港政府成日話要關顧更生人士,又喺電視、電台、網站賣行廣告、做晒推廣,但到頭來又係貫徹政府辦事風格,即係[講完就算]!!

或者下面圖片中嘅內文唔多清晰,但有大字標題顯然易見,堂堂男子漢要淪落到去便利店偷飯盒,縱使當時人犯案累累、累勸不改,筆者仍然認為佢唔應該折惰到咁嘅地步,俾人拉之際都要乞求食埋個飯盒,認真淒涼!!俗語有話:[有頭髮邊個想做癩喱?!],若果政府真係有心推行更新人士計劃的話,相信一定會提供到唔少機會俾依班剛"出冊"嘅朋友,讓有心改過嘅人可以從頭嚟過,偷雞摸狗嘅日子始終唔 好過,俾你做黑社會大佬又點?!每日擔驚受怕、唔係驚俾差佬拉就係怕俾人搵仇,做正行再辛苦亦有其難得之處,至少有餐安落茶飯。

當然,的確有唔少人係唔抵幫,大好機會擺喺面前都唔懂得珍惜,有正路唔行、硬係要揀Y路,投放再多資源、俾再多機會都係白廢,另外亦望政府可以搞好教育制度,教職人員、社會工作者積極勸阻誤入歧途嘅年青人,避免留下不可磨滅嘅烙印。