Blog: Wednesday, Jul 9

"落大雨,水浸街...", 今日中午係元朗開完工走緊o既時候聽到個小妹妹一路行一路唱住"落大雨,水浸街.."!! 勁cute!! hehe..  好想知成首o既係點唱呢!!

今朝一早起身... 由香港去到老遠o既元朗... 人生路不熟, 一心以為路在口邊, 問左幾位先生小姐... 都無人知道我要去o既目的地係邊! 於是走左上架的士, 開始左以下o既對話:

司機話: 下, 係傾對面果度咋麻, 你行過去仲快啦, 不過e 家無辦法啦(因為我已經上左車!! 哈...), 我同你兜個圈過去啦!! 

我話: 下, 係呀?! 我唔知呀! 我第一次黎元朗唔識路呀! 問左幾個人都唔知, 咪截的士囉!

司機話: 你係邊度黎架?

我話: 我係香港過黎架! 

司機話: 哦! 咁你等陣記住去買老婆餅啦喎!

我話: 老婆餅??

司機話: 係呀!! 元朗最出名老婆餅呀麻, 恒香老婆餅, 呢, 好近咋麻, e 條街行到尾! 買番香港做手信呀麻!! 如果唔係人地點知你黎過元朗!!

哈哈!! 元朗人真識好客之道!! hehe.. 好一個細心又攪笑o既司機!!

講番今朝場show... 失準, 要怪自己唔乖無好好讀稿... 好彩大家都識執生補鑊!! 我下次唔敢懶啦...! (教訓: 做show前一定要有充分o既rehearsal!!! 以免會有好似我咁o既懶人會未準備好!! :p )

夜晚去左錄音, 今次都係disney pictures, Tinker Bell廣東話版o既兩首歌! 因為係電影, 所以佢地o的野執得好緊.... 又唱左三個鐘, 喉嚨都乾埋... 不過好開心又有機會錄disney 卡通電影o既歌!! (錄後感: 要繼續努力練歌!!... 因為聲音運用o既technique始終都仲係差o的... -_-)

"落大雨, 水浸街... " 已經係第唔知幾多晚無好好訓覺, 夜晚訓唔到覺, 朝早晨又咁早要開工... 不過好在聽日夜晚先要做野! 可以輕鬆o的啦! :)