2009東京人形之旅－Day6(下)&Day7

Day6(下)--5月7日(四)--大雨

行程：池袋－＞伊豆高原－＞下田

今回東京之旅，最貴就是這次溫泉旅館「下田大和館」的食宿費。

從三月開始日日「捕」住這間溫泉旅館的網頁，

睇住佢3月淡季由每人一晚13,800yen加到4月中的16,800yen，真係好貴......

但比起伊豆修善寺的溫泉旅館已經算平了，

那裡最平要每人二萬幾Yen一晚，更貴.......0_0b

內心掙扎O左好耐，但一想到老公仔全程要遷就我去睇人形～～

點都要慰勞吓佢啦！依Ｄ錢真係唔慳得O架.......

人一世物一世，豪就豪一次啦～！

幸好5月6日及7日是日本黃金週之後，而且這旅館逢星期三及四都有特價，

因此預約時，只需要12,750yen一個人~！比三月仲抵！

幸好Book得快，過了一星期再查該網站，

已經由12,750Yen加價到15,800yen?!?!

而confirm的電郵，下面都加了一句「網上房價未必正確，如有變動會電郵通知正確價格」........難道這間旅館的定價是海鮮價？

一到旅館，櫃枱職員已經知道我係邊個～～問都唔問我的姓名，已經講你Ｏ地間房係402號房........可能預約的人少，遲來Check-in的只淨下我們而已。

---

一般有提供浴衣的旅館，不論男女都是清一式同款浴衣。

但這裡女住客，可另外選擇不同款式的浴衣～！

這是和我們住的一樣大的4/F大房，上圖是官方網提供～～

10疊的大和室

加上旁邊另一間6疊的細房

由於以平價12,750yen一位訂房，起初我還以為會俾細房給我們.......

誰料一開門，我和老公仔都嘩嘩聲～！

整間房成千幾呎！係10疊+6疊的大房！

這個疊數係未計露台、浴室、廁所(浴室及廁所是獨立分開兩間的)及西式Sofa位........

整間房，係我Ｏ地係香港住緊間屋的2倍幾大.......XD

可能個職員從個櫃枱處打聽到我懂少少日文，

個職員全程以日語解釋果Ｄ浴衣呀、茶水呀、雪櫃呀、夾萬呀之類......

似明不明的聽了一大推日文......其實係根本興奮到無留心去聽。^_^|||

個露台望出去對住一望無際的相模灣，而且個天空O係香港都從未覺得係咁高！

相機點拍都拍不出來.......

在電視旅遊節目中一樣，高級和風料理的排場！

一人一客的生燒跳舞鮑魚

二人一尾的龍蝦刺身 (可另外付款一人一尾的喔!)

汁煮金目鯛魚～～越食越好味！

旅館高級料理的菜單，用高級和紙印製......很精美!

日式甜品＋柑布丁

入房後，同老公仔興奮都未停過～～（太過意外間房咁鬼大的關係.......）

不知不覺已經8:00了，職員敲門問現在可唔可以上晚餐。

上晚餐時，每一道菜職員都會詳細介紹。

可惜我D日文太差，唔係好聽得明>.<|||

今次日本旅行，我發現最要學的，其實是日本食物的詞語。

唔好話落Order，至少可以睇得明Menu～～

我選這溫泉旅館的原因，就是可以預約私人一間房的私人溫泉。

唯可惜我們check-in得遲，已一早full booking了～～TAT

大浴場的露天溫泉一樣超吸引！！！

一望無際的海天一色～～正到暈！

每間客房內都有中、英、日、韓文教旅客如何浸溫泉。

雖然book唔到私人房浸溫泉，當然更不能錯過露天大浴場浸啦～！

咁貴旅館費，一定要浸過夠才可以回本！！！！

依我觀察同場浸溫泉的日本人，

先到旁邊的沖身區大約沖沖身後，

到室內溫泉浸一段很短時間，好讓身體適應溫泉的高溫。

記住只是浸很短很短時間，因室內溫泉大都很焗促，即使不浸溫泉都會被焗暈.......

之後再沖身區，正正式式用沐浴乳由頭洗到腳。

最後才去到露天溫泉浸過飽！

自我製作Miniature同球體關節人形以來，都從未覺得自己對手幼滑過；

明乎其實的粗手粗腳、像沙紙一樣「鞋拾拾」！

但浸溫泉真係神奇，浸完溫泉後，我對手變得很滑很滑；

這種幼滑的觸感係從未試過～～！

返香港到現在，對手仍然咁滑，搞到我有點唔捨得再開工做BJD添......>.<|||

如果各位對這溫泉旅館有興趣，請到以下網站：

http://shimoda-yamatokan.co.jp/

 

Day7--5月8日(五)--天陰間中大雨

行程：伊豆下田－＞羽田空港－＞香港

今天是日本之旅的最後一日，其實只有半天而已～～

由伊豆返東京都心已經要2小時，由東京到羽田機場又時1小時，

再加上飛機check in又要預早2小時.......就咁都已經要5小時了。

零晨5:00am起身，天已經完全光亮了～！

久違了的晴天特別可愛......可惜晴天只出現很短時間。

今早的早餐一樣是「部屋食」，而且超好吃！！！

特別是漬物超級美味，我足足食了４、５碗飯～～好飽！

9:30am，我們乘旅館接送車離開旅館到下田駅。

下田駅對出的黑船雕塑

下田最出名的歷史散步道，賣點是其江戶建築。

不過和川越一比，下田相對疏落～～也不及川越有特色.........

行不到一陣，又開始下雨了，還越落越大。

本來諗住返回車站時，到車站旁邊撘吊車上寢姿山的。

雨實在太大，唯有只行逛車站旁的手信店直到撘火車返東京。

 

從伊豆返東京，我們撘「スーパービュー踊り子」(Super View舞子號)。

它是全車指定席，要在買Pass時順便預約指定席。

乘撘這火車和特急｢踊り子｣有點不同～～

特急｢踊り子｣是行車中途有「稽查」查票；

但「スーパービュー踊り子」是上車時出示車票給身穿像空姐制服的服務員小姐，

再由服務員帶到坐位，之後是不會有「稽查」查票。

我們不知會有這不同，

還以為和特急｢踊り子｣一樣，是行車中途在「稽查」查票時才出示車票。

衝衝上車便自己找坐位，一路上那位服務員一直追住我們～～

搞到我Ｏ地好似好無禮貎咁唔理人.......真係超級唔好意思....=.=|||