Official Artist
Tony Ho
Actor
, Dancer
, Dance Choreographer
131,407 views|
39
Posts
好喇........今次過澳門工作, 當然係開心喇, 簡直係愛上澳門呀, 除食左好多好好味既美食, 及買左好多衫褲之外, 最正係D澳門人呀, 好有禮貌, 好有風度, 係街見到我影相, D人會停下, 等我影完相先繼續行, 賣野D人又好親切, 有日我朋友睇睇下衫, 發現隻手留血, 咁我咪問問D sales 有冇膠布囉, D sales 話sorry冇, 但係個老細就馬上叫人去買, 之後我地買衫仲有八折, 你話喇...只係以上既兩種行為, 係香港真係比較少有, 可能澳門人真係比香港人既壓力細好多。
仲有好多野想寫同相片架, 比少少時間慢慢再寫呀!!!!!!!!
美女大三巴 ...Read more
皇都酒店1401呢間房, 係我係澳門拍外景往既房, 佢陪伴左我一個月, 應該係我往左佢一個月, 中間回香港四日, 當我回到1401呢間房, 再開房門既時候, 有種回家既感覺, 因為今次拍攝呢套電影, 全Crew人都好大壓力, 但係再一次睇到香港電影人既精神, 特別係睇到劉偉強導演既神力, 當日落足一日大雨, 全Crew人都以為拍不成, 百幾二百人等到晚上八點多, 導演叫排戲, 大家都馬上打開雨傘出去排戲, 排完戲都仲落緊雨, 導演叫我地等佢十五分鐘, 佢去叫停D雨, 點知過左幾分鐘, 工作人員走來叫所有演員開工, 就係咁......D雨就停左幾個鐘, 當晚既戲份亦順利完成, 導演你係得既, 好喇....回到香港就馬上要準備舞蹈戲份, 亦係我最忙既部份, 努力喇!!!!!!!!!!!!
回歸啦.......去澳門拍戲3個星期啦, 不過很開心, 食左好多野, 影左好多相, 等我介紹D好地方比大家試試啦。
第一間係( 六記 )D野好好食架, 水蟹粥、竹升麵、雪吞。
第二間係六記對面既( 細龜 )D主要食品同六記差不多, 不過多左D好正既腸粉。
第三間係黑沙食燒豬, 應該好多人食過, 唔多介紹。
第四間係( 龍華茶樓 ), 只係開上午, 記得要13:00前到呀。
第五間係營地街市飲煲咖啡、奶茶、牛雜麵。
我過兩日又要再去過, 七月頭大概6、7號先回來, 到時再做個長細報告比大家。
最近少了寫blog, 因為工作比較忙, 正為一套新戲編排舞蹈, 以及教戲中演員跳舞, 令外又要拍攝香港電台一套劇, 最重要當然係要去alivenotdead.com既一週年party啦, 當晚非常熱鬧, 最正係同吳彥祖媽咪跳舞呀, 佢都話好耐未見過佢媽咪跳舞呀, 哈哈.....係咪想試下呢? 下次兩週年、三週年、四週年及以後好多好多次既週年party都要記得出席啦!!!
張小嫻的一些作品
世上最遙遠的距離 張小嫻
『世上最遙遠的距離，不是生與死的距離，不是天各一方，而是我就站在你面前，你卻不知道我愛你 ......』
為何 張小嫻
『我們放下尊嚴 ,放下個性 ,放下固執 ,都只是因為放不下一個人。』
快樂 張小嫻
『喜歡一個人，是不會有痛苦的。愛一個人，也許有綿長的痛苦，但他給我的快樂，也是世上最大的快樂。』
卑微 張小嫻
『愛人是很卑微的﹐很卑微的﹐ 如果對方不愛你的話。』
痛苦 張小嫻
『帶給你快樂的那個人﹐就是也...Read more
今晚出席咗( 香港遊樂場協會75週年鑽禧會慶匯演 )，事緣係我認識該會一位社工，所以就幫該會聯絡咗房祖名，幫他們做( 遊協關懷青少年大使 )，需然冇做過咩特別嘢或有咩回報，但係就好開心，因為感覺好像幫香港青少年出咗一分力，呢種回報重滿足過金錢。
哈哈..........講到好偉大咁潻，sorry sorrry
睇我幾開心
Read more
