我班fans同我講我飲水嘅姿態太迷人，好，為滿足大家，下次我搞個show淨係表演飲水！??再次多謝嚟咗hmv Rock The Hall嘅米粉團嘅成員！聽日再見！

之前TOYSOUL嘅送玩具遊戲，經TOYSOUL同我精挑細選後，選出3位得獎者，分別係Cusfa Li，WShan Cheng同羅子祥， 恭喜你哋！麻煩得獎者私訊你哋嘅電話去本Facebook專頁，TOYSOUL會有專人同你哋聯絡有關領取奨品方法！再次多謝所有參加是次活動的朋友！

做音樂有三樣嘢令我很快樂。

1. 做到一首自己喜歡嘅歌。
2. 做咗一場好好反應嘅show。
3. 做完show同班手足嘻嘻哈哈食餐飯。

今日之後我會加多一樣。

就係見到一班真心支持自己嘅樂迷。

好似今晚咁，見到佢哋成班人特登嚟，甚至有人專程從外地飛返嚟睇，真心撐我，呢份心意實在珍貴，雖然暫時唔算好多人，但已經好感動，你哋為我做嘅嘢我會記得，多謝你哋每一位！gary figo, tiffany, april, hiuman, man ka yan, tasha，其中仲有啲名未記得，但認得樣嘅，同埋一路支我但今日唔得閒嘅朋友。LOVE YOU ALL！！

我知道未來仲有更多難關我要面對，希望你哋呢班人會繼續陪伴我走呢條音樂路！無咩可以做，我只可以努力做出更好嘅成績去報答你哋！

p.s. 另外，見到我嘅音樂串連起一班本來互不認識的人成為朋友，這也是令我很快樂的事

LET'S GO！米粉團！

今年同5個不同單位做咗5首不同風格殉歌，呢首應該係今年最後一首featuring嘅單曲，首先多謝許懷欣和Adam的邀請。

呢首歌係最直接嘅pop punk風格，我亦用最直接嘅rap去配合，有點重拾幾年前和ToNick合作的感覺，是十分有趣的企劃，今晚亦會和許懷欣現場唱出！希望大家多多支持，多多分享！謝謝！

今日真係熱烈地彈琴熱烈地唱！！！

頂，幾時凍呀，我買咗啲新冬天衫仲未有得著呀！

聽歌啦。

大家好，為咗嚟緊更方便同樂迷溝通，我哋已設立一個whatsapp 群組，當中除咗可以收到第一手獨家嘅內幕猛料，例如野馬裸照，Morris偷食罪證外，亦都會有優先訂購產品及門票等的優惠，亦會有聚會舉行，總之就既方便又多著數！如果你有興趣加入呢個whatsapp群組，請以私訊形式，send你嘅電話同名俾我，我哋就會加你入群組。

嚟緊一年小弟都會有好多攪作，如果你是支持我的音樂，記住加入了！

p.s. 放心！一定唔會日日都收到宣傳message嘅！不過女仔要小心，因為可能會收到野馬嘅滋擾，對此本人恕不負責。

親愛的馬米粉絲支援小隊：

下個星期四晚(15/12)小弟會聯同許懷欣、ToNick、MastaMic 三個單位將於 hmv Bar & Restaurant 同大家盡情狂歡一晚，票價$280（11月11日至12月14日購買門票可享優惠價$250並包括飲料2杯）門票於11月11日全線hmv及Cityline有售！唔係唔嚟呀！？

Cityline: http://event.cityline.com/utsvInternet/internet/action/event.do?actionFwd=eventDetail&event=18712

最初收到要推介舒適剃鬚刀産品，我都R晒頭，心諗我又唔留鬚，後來經我細心分柝，我終於明點解，你慌佢哋搵我唔係想玩押韻咩，於是我幫佢哋諗到以下一堆押韻口號。

你想做好show，首先要剃鬚 剃鬚剃得好，咁先有Good Show 日日要剃鬚，行街有着數 剃鬚夠舒適，駛乜怕招積 舒適夠晒勁，型過鄭嘉穎 剃鬚得一式，梗係用舒適 ?仔咁得戚，唔通用舒適 不費吹灰力，舒適確出色

最後一個都係我最誠意推介嘅： 食得招積，用得舒適，剃得出色，價錢超值，剃鬚用舒適，招積出色舒適超級超值。

希望舒適嘅高層會揀個嚟用，價錢上可以再商量。

當然正所謂廣告唔怕賣，禮多人不怪！

由2016年12月5日至2016年12月16日，凡購買任何Schick舒適男士系列產品滿HK$60或以上(以單一電腦收據計算)，WhatsApp輸入姓名、身份證號碼首4位數字、手機聯絡號碼及清晰電腦收據相片至6768-9154。每日首3名合資格參加者*即可憑收據正本換領價值HK$488 JOOX十二個月VIP會籍乙份。先到先得，送完即止。

• 登記時間 : 每天下午1時至晚上9時