My blog

Announcement

唔好理．做自己．理得你
每個人的日子自己過，自己計較，自己負責
MyBlog: http://hk.myblog.yahoo.com/hoie-1217/

青山黛瑪vs幪面超人update10:08

Friday, Nov 21, 2008 10:29AM / Standard Entry / 何ＣＣ / Members only

先唔講呢個ＭＶ拍得好靚喇，講o下佢裡面o既野先.....。
ＣＣ終於係下月推出新專輯《Ten Days in the Mad House》，今次全碟有別於佢近幾張唱片的主題，再唔係向佢自己出發，
講o既係關心社會及瘋狂為主題，之前一直有睇ＣＣ個Blog，不斷睇到佢講今次呢個project，關於Ｄ乜，跟過什麼人做訪問等
其實一首歌的歌詞，寫到點都好，都可以有無限o既意思，若果唔係一開始就知＜青山黛瑪＞係講精神病o既？
或者我都會標立係愛情歌。
但請細心看、細心聽，您會被感動！
阿Ｃ係近呢幾年都有一個大Project攪出來，每次都好期待佢會攪Ｄ乜？
而知道今年尾係出呢個會作慈善義賣的"紀錄片"，稍後係12月中旬舉行展覽會添，唔知點解覺得阿Ｃ長大了，連歌迷也長大了
她.....是可以令身邊人同佢一齊成長，可以令更多人參與更多好事。
等待！

想知ＣＣ今次做o左／會做Ｄ乜o既話，去呢到睇o下：
http://hk.myblog.yahoo.com/lai903903/article?mid=5238

青山黛瑪MV獨家首播PREVIEW!!!!!!!!!!
一個黛瑪，一個超人。
黛瑪走進超人的世界，
外面的世界不明白他們，把他們排在他們的地方外，
同樣地，他們也不能完全了解外面的世界。
看來是兩個被世界離棄的人，
但其實他們是同一人。
無論你是誰，
當有一天，你能看破一切，燃點心中那一道良善的光，
即使這道光只能維持十秒鍾，即使只有自己知道，
當你能把小我放下，去完成另一個大我，
你會發現，英雄，就在你裡面。

青山黛瑪
曲/編: 陳奐仁for the invisible men/何秉舜@goomusic　　詞：黃偉文
監：陳奐仁for the invisible men/何秉舜@goomusic/hocc@goomusic

你是有病的所以被寵~愛留住半邊青山因你在
你讓世上幾多哲學家自信不~再捉摸不到你大概

人類意難平的一切問題你都一笑避開世間太傻而你是天~才
旁人話你悲~哀不過在你眼中清醒才悲哀
繁忙才悲哀常人難道比瘋子更可~愛

如何能像你安居這套房尋回被拒於知識之外那點光
旁人全部也一本通書向前看怎麼不敢倒放
你是絕美的不過未釋~放囚在最荒的島不靠~岸
博士及智者給發明品自我安~葬簡單的你卻在看

人類以為強於拯救地球卻總摸錯地方良善的光在彼方唯有你才能開荒

好想學你安居這套房逃離大氣氛想得複雜那不安
旁人全部也一本通書向前看青山之花不再怒放

如何能像你安居這套房尋回被拒於知識之外那點光
旁人全部也一本通書向前看青山之花不再怒放青山之花想再……
引用自：http://hk.myblog.yahoo.com/jw!cKkIZPuaHxTOhCXELUxIt4m909E.GUCY/article?mid=85233

Add a comment
係咁叫我起身

Thursday, Nov 20, 2008 12:32AM / Standard Entry / Members only

星期六晚行完呢個盲行俠，朝早並唔多５點就返到屋企喇，不過都冇即時訓覺
洗完羊後就開始睇電視同時上網啦，因為想知TVB個頒獎禮得獎果Ｄ藝員係咪我貼中果Ｄ嘛！

Add a comment
第三屆奧比斯盲俠行之行路經過

Tuesday, Nov 18, 2008 1:12AM / Standard Entry / Members only

尋晚講到我搭正２３１５於花墟公園出發，沿途經窩打路道過行人天橋到打比道 -> 何東道 -> 蘭開夏道 -> 衙前圍道 -> 廷文禮士道 -> 東寶庭道
到達＜賈炳達道公園＞做一個名為「蒙眼大考驗」的項目，記得上年我係灣仔天橋行，覺得超驚超恐佈，仲叫帶我行的人行慢Ｄ添，今次轉o左係公園進行，可能係第２次蒙眼行o既關係啦，今次就一Ｄ都唔驚喎，仲同朋友行得好快添，不過我就略嫌呢段路唔夠長，長Ｄ體會都深Ｄo丫！！
　
完成「蒙眼大考驗」後到達第１個大型中途站＜賈炳達道公園＞(3km)，先蓋第一個印後收到一盒Cappuccino味麥提莎同可以加水，因為整晚我一滴水都冇飲過，其實我經過Ｄ補給站都係志在影張相o者。不過Ｄ義工真係好醒又正呀，見我舉機影相都唔怕羞，仲俾哂反應任我影添！影完我都有向佢地講句：多謝你地有反應呀！！！

之後由樂善道出發，經過九龍寨城、越秀廣場、新蒲崗沿太子道東向彩虹村 -> 彩雲村，呢條係名為長命斜地段呀！初時行都唔覺好斜o者，再行高Ｄ就覺都幾斜喇，最攪笑係行行o下有架巴士停o左係到，我同朋友望住個司機，佢好大聲問我地係咪要步行去西貢？由邊到出發？朋友咪答佢花墟公園囉，司機就笑笑口話"真係呀"就開車走喇！咁都得？前面有兩個警察係到喎，無啦啦停低就係問我地呢個問題？
咁又係o既，係我行馬路邊的途中，好多晚巴士、私家車o既司機乘客都有望過唻，個樣都係幾疑惑o既，緊係覺得點解夜媽媽條路不斷都有人行啦！
　
到了第１個補給站＜順利村遊樂場＞(7.3km)，又係派水同Ｍ﹠Ｍ，拎過朱古力後就繼續往前行喇。
經過新清水灣道 -> 清水灣道去到第２個補給站＜壁屋小涼亭＞(11.5km)，好攪笑呀，叫我加水o既男仔係著住監獄衫架...我一舉機佢又好醒咁Ｖ起手喎，ＧＯＯＤ！今次唔係派朱古力喇，係一個襟章，上年係行完「蒙眼大考驗」派的，仲以為今年冇添，好彩都係有o者，好野！！！
再行到去打鼓嶺第２個大型中途站(13.3km)，有椅俾你坐低休息，蓋第２個印同有包餅食。我緊係繼續行啦。

繼續沿清水灣道行，去到迴旋處(隧道)Ｄ義工最開心，拎哂Ｄbongbong捧叫我地加油，我就跑過去啦，仲同o左４個女仔Give me Five 添...哈哈哈哈，好開心呀！
之後就往蠔涌出發去到匡湖居(14.8km)，終於見到有間7-11喇，我即刻走入去買o左罐Zero同一盒檸檬薄荷糖啦，即時涼哂呀！
沿住白沙灣對住個好平靜的海咁行，都冇乜好睇喇。行到去最後一個補給站白沙灣(17km)，又係補水囉，同埋派o左排Dove朱古力，拎過朱古力繼續加快少少腳步行啦，因為真係就到喇。
行到最後果２km，開始見到有人跑返終點喇，我依然以自己步伐繼續行，最後就係０２５９到終點！
蓋埋最後一個印，拎埋早餐飲品就可以休息啦！！！
想知到終點後過程係點，睇我尋晚個blog啦o下：http://hk.myblog.yahoo.com/hoie-1217/article?mid=9489&prev=9443&next=9460

今次行得比上次開心，路也冇上年咁迂回，或者因為咁所以先可以快過上次５２分鐘。
只是風景比去年少、睇極都係馬路有點悶。可能因為今年太多人參加啦，所以沿路都有好多警察維持路面情況。
義工也特別出聲落力加倍咁叫加油！！我一見到Ｄ義工咁開心地叫嚷我地加油，我都一同叫埋出唻呀，咁大家都有反應先開心架嘛！
希望出年有第２條路線啦，但冇o既出年都一定會繼續參加呀！
不過上年行行o下已經要自己記得著下年行要著運動褲同雞翼袖架啦，今年依然唔記得，著牛仔褲真係好熱呀！！！！記住出年要記得呀！！

最最最最多謝o既係今年有份贊助我行路的各方好友！！今年共籌得＄3678 呀！！！多謝！！！
沿路都見到好多呢Ｄ牌仔，見到真係份外愉快呀！！

Add a comment
第三屆奧比斯盲俠行之起步前到達後

Monday, Nov 17, 2008 2:30AM / Standard Entry / 愛 / Members only

這次第３屆舉辦o既<盲俠行>，我係第２次參加喇，上年係由灣仔運動場行去淺水灣，最終我以４小時３６分埔畢全程。
而今年因為有成８５００人參加o既關係，所以會有兩個時段供選擇出發，咁我上年都睇過開幕禮係乜野一點事，所以我就揀o左２３１５第一批出發！

我係２２３０已經到達旺角花墟公園，先登記後拎樽裝水同隨行包
包裡面見到有o既同上年差唔多，只是今次多o左張"印水紙"，睇o來好多人都好鍾意，因為好多人都印上面上喎，我緊係冇印啦，我鍾意留為記念多ｄ呀！
登記完後，其實仲有大把時間先出發，我咪四圍睇o下影o下相囉，見到塊俠女牌喎，緊係去影返張相先啦....型~~哈哈哈哈哈~~~係機緣巧合之下，今年有人同我一齊行o番，久遠了的朋友喔~！！
可能今次我揀o左早出發啦，所以果個＜英雄造型大賽＞o既參賽者都唔係見到咁滯，剩係俾我見到扮星戰出現的隊伍
其實我都好懷疑佢地係咪真係參加＜英雄造型大賽＞後會去行架? 還是專登出唻供我地影相？又的確佢地四圍行時，真係去到邊都係咁受歡迎喎，我本來都想同佢地影架，但又多人又怕羞，如果唔係朋友猛叫我埋去埋去，都唔會影都呀！又真係扮得勁似喎！！

到２３００，我地行近門口果邊，係我前面的...........o依~~~劉美君！？原來佢今次同一班Fans參加喎，真係好有心呀!!! Good！我其實都幾想同佢影張相，不過諗過當時係咁私人時間，無謂做埋ｄ阻頭阻勢之事啦，所以大家咪係搭正２３１５出發喇！！

今次行o既經過係點？條路又係點？下回分解呀o下！

ｏ拿～上年我係００１５出發，０４５１到達，用了４小時３６分。
今年呢，我又真係覺得我係行慢o左架喎，同埋停下來影多o左相添，但個結果係２３１５出發，０２５９到達，用了３小時４４分喎！
或者....或者係有過一次經驗知道點行？又或者係今次條路比上年好行？所以快o左好多！
仲有呀，到而家我對腳都未痛，記得上年行完第２日已經開始有ｄ痛喇，但今次一ｄ痛同累o既跡象都冇喎~所以話呢，其實２０公里又算ｄ乜o丫！？係就參加埋毅行者啦！！！！都係慈善喎！
因為今次早出發又早到達，所以都係冇得睇日出....o矣～
去到終點蓋埋最後一個印 --> 拎證書 --> 寫時間 --> 拎早餐(有３款三文治選) --> 紙包飲品
之後有個義工過唻問可唔可以做個訪問，日後會上載係奧比斯個網頁o既，我o依o依哦哦咪話好囉，貼o左佢俾的貼紙034 後
最終我都係打退堂鼓呀！因為真係......怕羞囉......點講o者！？
所以咪坐低食o左２塊包，就去上第一班城巴出觀塘喇，係０３４９開車，沿途見到好多好多參加者行行行，係 d 補吸站仲見到一大堆人，仲有好多堆人係塞車咁塞住條路添....
好彩我係揀o左第一批出發，如果唔係都唔知點行？我唔可以行得慢又要等果ｄ人唻架。
返到去觀塘都０４１１喇，之後仲要坐小巴再轉的士，最後返到屋企係０４４７了。

今年比上年行得更開心，同埋係好好行添！出年一定會繼續參加呀！

最多謝o既係今年有份贊助我行路的各方好友！！今年共籌得＄3678 呀！！！

０３１５食早餐，真係第一次！

Add a comment
出發行２０km喇！update@05:37

Sunday, Nov 16, 2008 12:02AM / Standard Entry / Members only

update@05:33
今晚我可以係 2315 順利出發，最後用o左３小時４４分行完喇！
上年我去到終點得到的證書編號係０２６６
今次呢....he~~ 係００１１０呀！！！！即係我係第１１０位去到終點o丫 !

Add a comment